Մեր թիմը

ՄԵՐ ՄԱՍԻՆ

Հայաստանի Կրավ Մագայի Ֆեդերացիան հիմնադրվել է 2012թ. աշխարհի և Եվրոպայի քիքբոքսինգի չեմպիոն, միջազգային կարգի անվտանգության և կրավ մագա համակարգի էքսպերտ Սարգիս Բազինյանի կողմից:

Հիմնադրման առաջին իսկ օրվանից մենք հետևում ենք այն կարևոր առաքելությանը, որի շուրջ կառուցել ենք մեր առօրյա գործունեությունը, այն է` ձևավորել իրավագիտակից, ուժեղ և պատրաստված հասարակություն, ամենօրյա աշխատանքի արդյունքում մեր սաների մեջ սերմանել արժեքներ, որոնք մեր երկրի և պետականության հուսալի ապագայի երաշխավորներն են։

Կրավ Մագա Հայաստանը չեմպիոնների դարբնոց է, որտեղ մեր մարզիկները ամեն օր սովորում է հաղթահարել իրենք իրենց, չընկրկել դժվարություններից, կարգապահության և քրտնաջան աշխատանքի շնորհիվ հասնել նպատակադրված արդյունքին։ Մեզ մոտ սովորում են հաղթել, իսկ անհաջողությունները երբեք չեն կոտրում մեր մարզիկների ոգին, քանի որ յուրաքանչյուր պարտություն դա ևս մեկ դաս է, որից կարելի է օգտակար հետևություններ անել։

ՄԵՐ ԱՐԺԵՔՆԵՐԸ

Մեր #ԿրավԸնտանիքն իր թևի տակ է առել տարբեր տարիքի, սեռի և կենսակերպի մարդկանց, որոնց համատեղում է նույն աշխարհայացքն ու ազգին պիտանի լինելու ցանկությունը։ Մեզ միավորող արժեքներն են.

Կրավընտանիքը
Հաղթելու կարողությունը
Հոգեպես և ֆիզիկապես պատրաստվածությունը
Իրավագիտակցությունը
Հասարակությանն ու պետությանը պիտանի լինելու պատրաստակամությունը

Հայաստանի Կրավ Մագայի Ֆեդերացիայում դասավանդում են ՀՀ և միջազգային ասպարեզում լայն ճանաչում և բարձր որակավորում ունեցող անվտանգության և սպորտի առաջատար մասնագետներ, որոնք պարբերաբար վերապատրաստվում են ՀՀ-ում և արտերկրում:

ՍԱՐԳԻՍ ԲԱԶԻՆՅԱՆ

Հայաստանի Կրավ Մագայի Ֆեդերացիայի հիմնադիր և գլխավոր ինստրուկտոր, Կրավ Մագայի միջազգային կարգի էքսպերտ, ՍԻԱՍ ակադեմիայի համահիմնադիր և փոխտնօրեն

ԿԵՆՍԱԳՐՈՒԹՅՈՒՆ

ԿՐԹՈՒԹՅՈՒՆ

2004-2010թթ․ սովորել է ԵՊՀ միջազգային հարաբերությունների և դիվանգիտության ֆակուլտետում (բակալավրիատ և մագիստրատուրա)։ 2012 թ․ ավարտել է Ռուսաստանի իրավական ակադեմիայի մագիստրատուրան։

ՍՊՈՐՏԱՅԻՆ ԿԱՐԻԵՐԱ

7 տարեկան հասակից զբաղվել է քիք բոքսինգով և թայ բոքսինգով:

1996-2003 և 2005-2009 թթ. ճանաչվել է քիք-բոքսինգի Հայաստանի չեմպիոն
1998թ. WAKO վարկածով քիք-բոքսինգի աշխարհի չեմպիոն
1999-2001 թթ. թայ-բոքսինգի Հայաստանի չեմպիոն
2000-2002 ուշու-սանդայի Հայաստանի չեմպիոն
2000 թթ. ֆուլ կոնտակտ կարատե-դո Հայաստանի չեմպիոն
2003թ․ թայ-բոքսինգի աշխարհի չեմպիոն
2004թ. ձեռնամարտի Հայաստանի չեմպիոն
2007թ. քիք բոքսինգի Եվրոպայի չեմպիոն
2007թ. WPKA վարկածով աշխարհի չեմպիոն
2012 Krav Maga Air Marshal Instructor որակավորում
2012 Krav Maga VIP պաշտպանության էքսպերտ
2013 Krav Maga Level 2 էքսպերտ
2013 Law Enforcement Instructor որակավորում
2014 HTH & CQC Head Instructor որակավորում
2016 Security and Self-Defense Expert Level 3

ՈՐԱԿԱՎՈՐՈՒՄՆԵՐ

Ունի հետևյալ որակավորումները՝ բուժեղբայր, պաշտպանողական և հակավթարային վարման հրահանգիչ, հրաձգության հրահանգիչ։ ՍԻԱՍ ակադեմիայում դասավանդում է բախումնային իրավիճակների կառավարում, կոնֆլիկտաբանություն, մինչբժշկական առաջին օգնություն, հատուկ տակտիկական պատրաստականություն։

Վերապատրաստվել է ավելի քան 15 երկրներում։ Հանդիսանում է իրավապահ մարմնի, հատուկ նշանակության ջոկատների և բանակի Կրավ Մագայի ինստրուկտոր։

ԱՐԱՅԻԿ ԲԱԶԻՆՅԱՆ

Հայաստանի Կրավ Մագայի Ֆեդերացիայի համահիմնադիր, ՍԻԱՍ անվտանգության միջազգային հատուկ ակադեմիայի հիմնադիր տնօրեն

ԿԵՆՍԱԳՐՈՒԹՅՈՒՆ

Արցախյան առաջին պատերազմի մասնակից:

Պարգևատրվել է «Մարտական ծառայություն», «Ծովակալ Իսակով», «Հայոց Արծիվ», «Զորավար Անդրանիկ», «Ոստիկանության զորքերում գերազանց ծառայության համար երկրորդ աստիճանի», «Արիության», «Ռազմիկ Վասիլյան», «Մայրական երախտագիտություն» և այլ մեդալներով:

ՎԼԱԴԻՄԻՐ ՀՈՎՀԱՆՆԻՍՅԱՆ

Կրավ Մագա Հայաստանի փոխտնօրեն, Հայաստանի գրեփլինգի ֆեդերացիայի գլխավոր քարտուղար

ԿԵՆՍԱԳՐՈՒԹՅՈՒՆ

Հայաստանի Կրավ Մագայի Ֆեդերացիայի փոխնախագահ
Հայաստանի Գրեփլինգի Ֆեդերացիայի գլխավոր քարտուղար

ՄԱՅԻՍ ՆԵՐՍԵՍՅԱՆ

Հայաստանի Կրավ Մագայի Ֆեդերացիայի մանկապատանեկան թիմի գլխավոր հրահանգիչ, ՀԳՖ հավաքականի գլխավոր մարզիչ

ԿԵՆՍԱԳՐՈՒԹՅՈՒՆ

ԿՐԹՈՒԹՅՈՒՆ

2013թ. ավարտել է ՖԿՀՊԻ-ը` որպես մարզիչ-մանկավարժ:

ՍՊՈՐՏԱՅԻՆ ԿԱՐԻԵՐԱ

8 տարեկան հասակից զբաղվել է ձյուդո և սամբո ըմբշամարտով:

2009թ. ճանաչվել է ձյուդոյի Հայաստանի գավաթի չեմպիոն
2010թ. արժանացել է լավագույն ուսանող-մարզիկ կոչմանը
2013թ. սամբոյի մեծահասակների չեմպիոն
2014թ. ճանաչվել է Հայաստանի բազկամարտի բանակային առաջնության հաղթող
2015թ. զինվորական քառամարտի Հայաստանի առաջնության հաղթող
2018թ. ճանաչվել է խառը մենամարտերի (MMA) Հայաստանի չեմպիոն
Գրեփլինգի Եվրոպայի չեմպիոն, աշխարհի փոխչեմպիոն
Մարտական Սամբոյի Հայաստանի չեմպիոն
Միջազգային կարգի սպորտի վարպետ

ՀՐԱՆՏ ՔՈԹԱՆՋՅԱՆ

Հայաստանի Կրավ Մագայի Ֆեդերացիայի մեծահասակների թիմի առաջատար հրահանգիչ

ԿԵՆՍԱԳՐՈՒԹՅՈՒՆ

ԿՐԹՈՒԹՅՈՒՆ

Ավարտել է Հայաստանում ֆրանսիական համալսարանի (ՀՖՀՀ), ինչպես նաև Ժան Մուլեն Լիոն 3 (Université Jean Moulin Lyon 3) համալսարանի մարքեթինգի ֆակուլտետը։ Սովորում է բիզնեսի կառավարում (MBA) ԱՄՆ-ի Ուեսթքլիֆֆ համալսարանում(Westcliff University):

ՍՊՈՐՏԱՅԻՆ ԿԱՐԻԵՐԱ

2018թ. ճանաչվել է K1-ի Հայաստանի չեմպիոն։

ՎԻԿՏՈՐ ՀԱՄԲԱՐՁՈՒՄՅԱՆ

Հայաստանի Կրավ Մագայի Ֆեդերացիայի մանկապատանեկան թիմի ավագ հրահանգիչ, ԿՄԱ մարզական ակումբի ավագ մարզիչ

ԿԵՆՍԱԳՐՈՒԹՅՈՒՆ

ԿՐԹՈՒԹՅՈՒՆ

Սովորել է Երևանի օլիմպիական հերթափոխի պետական մարզական քոլեջում։

ՍՊՈՐՏԱՅԻՆ ԿԱՐԻԵՐԱ

2008թ. եղել է բռնցքամարտի Եվրոպայի առաջնության երրորդ մրցանակակիր
Միջազգային մրցաշարերի հաղթող և մրցանակակիր
Սպորտի վարպետի թեկնածու
2009-2011թթ. ճանաչվել է ՀՀ լավագույն բռնցքամարտիկ

ԱՐԹՈՒՐ ԶԱՔԱՐՅԱՆ

Հայաստանի Կրավ Մագայի Ֆեդերացիայի մանկապատանեկան թիմի ավագ հրահանգիչ, ԿՄԱ մարզական ակումբի ավագ մարզիչ

ԿԵՆՍԱԳՐՈՒԹՅՈՒՆ

ԿՐԹՈՒԹՅՈՒՆ

Սովորել է Երևանի օլիմպիական հերթափոխի պետական մարզական քոլեջում։

ՍՊՈՐՏԱՅԻՆ ԿԱՐԻԵՐԱ

2011, 2013 և 2014թթ. ճանաչվել է ազատ ոճի ըմբշամարտի ՀՀ առաջնության երրորդ մրցանակակիր
2012 և 2016թթ. ճանաչվել է ազատ ոճի ըմբշամարտի ՀՀ առաջնության երկրորդ մրցանակակիր
2017թ. բանակային ձեռնամարտում գրավել է երրորդ տեղը
2018թ. ճանաչվել է մինչև 23 տարեկանների ազատ ոճի ըմբշամարտի ՀՀ առաջնության հաղթող
2018թ. ճանաչվել է մեծահասակների ազատ ոճի ըմբշամարտի ՀՀ առաջնության երկրորդ մրցանակակիր
2019 ճանաչվել է Հայաստանի խառը մենամարտերի առաջնության առաջին մրցանակակիր (93 կգ)